Stock market: શેરબજારમાં ૧૦૦૦ પોઇન્ટનો તોતિંગ કડાકો
શેરબજારમાં ૧૦૦૦ પોઇન્ટનો તોતિંગ કડાકો, નવ લાખ કરોડનું જોરદાર ધોવાણ Posted by Niilesh waghela મુંબઇ: આંતરરાષ્ટ્રીય બજારમાં ટ્રમ્પે શરૂ કરેલી નવી ટેરીફ વોરની ચિંતા વચ્ચે વિશ્વબજારની પીછેહઠ સાથે બજારનું સેન્ટિમેન્ટ ખરડાઇ જતાં જોરદાર વેચવાલીના દબાણથી સેન્સેક્સમાં ૧૦૦૦ પોઇન્ટનો જોરદાર કડાકો નોંધાયો હતો, જ્યારે એક્સચેન્જના માર્કેટ કેપિટલાઇઝેશનમાં રૂપિયા નવ લાખ કરોડથી મોટું ધોવાણ નોંધાયું હતું. એ જ સાથે નિફ્ટી ૨૫,૨૫૦થી નીચે સરકી ગયો છે. મંગળવારના સત્રના અંતે, બીએસઇ સેન્સેક્સ ૧૦૬૫.૭ પોઈન્ટ અથવા ૧.૨૮ ટકા ઘટીને ૮૨,૧૮૦.૪૭ પોઇન્ટની સપાટી પર બંધ થયો છે, જ્યારે નિફ્ટી ૫૦ ૩૫૩ પોઈન્ટ અથવા ૧.૩૮ ઘટીને ૨૫,૨૩૨.૫૦ પર બંધ થયો છે. બજારના સાધનો અનુસાર મિશ્ર કોર્પોરેટ કમાણી, વિદેશી ભંડોળની સતત વેચવાલી અને વૈશ્ર્વિક વેપાર બાબતની અનિશ્ર્ચતતા વચ્ચે સેન્ટિમેન્ટ કથળી ગયું હોવાથી સતત બીજી સત્રમાં પીછેહઠ જોવા મળી હતી. બીએસઇ પર બધી લિસ્ટેડ કંપનીઓનું માર્કેટ કેપિટલાઇઝેશન ૯.૪૬ લાખ કરોડ રૂપિયા ઘટીને ૪૫૫.૭ લાખ કરોડ રૂપિયાના સ્તરે પહોંચ્યું હતું. શેરબજારને ઘટાડા તરફ દોરી જતા છ મુખ્ય પરિબળો નીચે પ્રમાણે છે:- ૧. આ...